ଲଖିସରାଇ:ବିହାରର ଲଖିସରାଇସ୍ଥିତଅଶୋକଧାମ ମନ୍ଦିରରେ ଦଳାଚକଟା ସଦୃଶ ଘଟଣାଘଟି ଅତି କମରେ ୭ ଜଣଙ୍କ ମୃତ୍ୟୁ ହୋଇଛି। ସୋମବାର ସକାଳେ ମନ୍ଦିରରେ ଶ୍ରଦ୍ଧାଳୁଙ୍କ ଅପ୍ରତ୍ୟାଶିତ ଭିଡ଼ ବଢ଼ିଯିବା ପରେ ଏହି ଅଘଟଣ ଘଟିଥିବା ଜଣାପଡ଼ିଛି।
ଲଖିସରାଇ SDPO ଶିବମ କୁମାର ମୃତ୍ୟୁସଂଖ୍ୟା ୭ ଥିବା ନିଶ୍ଚିତ କରିଛନ୍ତି। ଘଟଣା ପରେ ତୁରନ୍ତ ଉଦ୍ଧାର ଓ ଜରୁରୀକାଳୀନ କାର୍ଯ୍ୟ ଆରମ୍ଭ କରାଯାଇଥିଲା।
ଲଖିସରାଇ ଜିଲ୍ଲାପାଳ ଶୈଳେନ୍ଦ୍ର କୁମାରଙ୍କ ସୂଚନା ଅନୁସାରେ, ମନ୍ଦିରରେ ଅପ୍ରତ୍ୟାଶିତ ଭାବେ ଭିଡ଼ ବଢ଼ିଯାଇଥିଲା। ସକାଳ ପ୍ରାୟ୬ଟା ୩୦ରୁ ୬ଟା ୪୫ ମଧ୍ୟରେ ଦୁଇଟି ଟ୍ରେନ୍ ଆସିବାରୁମନ୍ଦିର ଅଞ୍ଚଳରେ ଶ୍ରଦ୍ଧାଳୁଙ୍କ ସଂଖ୍ୟା ଆହୁରି ବଢ଼ିଥିଲା।
ପ୍ରଶାସନ ପକ୍ଷରୁ ଭିଡ଼କୁ ଦୃଷ୍ଟିରେ ରଖି ବ୍ୟବସ୍ଥା କରାଯାଇଥିଲେ ମଧ୍ୟ ଭିଡ଼ର ଚାପ ଅତ୍ୟଧିକ ବଢ଼ିଯାଇଥିଲା।
ଜିଲ୍ଲାପାଳଙ୍କ କହିବା ଅନୁସାରେ, ଅତ୍ୟଧିକ ଭିଡ଼ ଚାପରେ ମନ୍ଦିରର ଗୋଟିଏ ପାର୍ଶ୍ୱରବ୍ୟାରିକେଡ୍ ଭାଙ୍ଗିଯାଇଥିଲା। ଏହା ପରେ ଅନେକ ଲୋକ ପରସ୍ପର ଉପରେ ପଡ଼ିଯାଇଥିଲେ।
ଘଟଣା ଜଣାପଡ଼ିବା ପରେ ପ୍ରଶାସନ ତୁରନ୍ତ ଘଟଣାସ୍ଥଳରେ ପହଞ୍ଚି ପ୍ରାୟ ୧୦ରୁ ୧୫ ଜଣଙ୍କୁ ଉଦ୍ଧାର କରିଥିଲା।
ଘଟଣାରେ ଆହତ ହୋଇଥିବା ଲୋକଙ୍କୁ ସ୍ଥାନୀୟ ଚିକିତ୍ସାକେନ୍ଦ୍ରକୁ ନେଇ ଚିକିତ୍ସା କରାଯାଉଛି।
ଅନ୍ୟପଟେ, ଘଟଣାସ୍ଥଳରେ ଜିଲ୍ଲା ପ୍ରଶାସନ ଓ ପୁଲିସ ମୁତୟନ ରହିଛନ୍ତି। ମନ୍ଦିରରେ ଥିବା ଅନ୍ୟ ଶ୍ରଦ୍ଧାଳୁଙ୍କୁ ନିୟନ୍ତ୍ରଣ କରିବା ସହ ପୁଣି କୌଣସି ଅଘଟଣ ନଘଟିବା ପାଇଁ ସତର୍କତା ଅବଲମ୍ବନ କରାଯାଉଛି।
ଘଟଣାର ପ୍ରକୃତ କାରଣ ଏବଂ ଅନ୍ୟାନ୍ୟ ବିବରଣୀ ନେଇ ତଦନ୍ତ ଜାରି ରହିଛି।
ମେଷ:ଏହି ସପ୍ତାହରେ କର୍ମକ୍ଷେତ୍ରରେ ନୂଆ ସୁଯୋଗ ମିଳିପାରେ।...
ଶ୍ରୀଲଙ୍କା ବିପକ୍ଷ ଆଗାମୀ ୨ ମ୍ୟାଚ୍ ବିଶିଷ୍ଟ ଟେଷ୍ଟ ସିରି...
ଇଟାଲୀର ପ୍ରଧାନମନ୍ତ୍ରୀ ଜିଓର୍ଜିଆ ମେଲୋନି ଭାରତରେ ଲୋକପ୍ର...
ଶ୍ରୀଲଙ୍କା ଗସ୍ତରେ ଥିବା ଭାରତୀୟ କ୍ରିକେଟ୍ ଦଳ ଆସନ୍ତା ଶନ...
ଆଇପିଏଲ୍‌ରେ ମୁମ୍ବାଇ ଇଣ୍ଡିଆନ୍ସରୁ ବାହାରିବାର ବାଟ...
ଆମେରିକାରେ ମେଟା ପ୍ଲାଟଫର୍ମସ୍ ବିରୋଧରେ ଶିଶୁ ଓ କିଶୋରଙ୍କ...
ମେଷ ଏହି ସପ୍ତାହରେ ମେଷ ରାଶିର ବ୍ୟକ୍ତିମାନେ କର୍ମକ୍ଷେ...
ଆମେରିକା ଓ ଦକ୍ଷିଣ କୋରିଆ ମଧ୍ୟରେ ହେଉଥିବା ଯୁକ୍ତ ସାମରିକ...
ପାନ ମସଲା ପ୍ୟାକେଜିଂକୁ ନେଇ FSSAI ଏକ ବଡ଼ ନିଷ୍ପତ୍ତି ନେ...
ନାଇଜେରିଆର ଲାଗୋସ୍ରେ ଆୟୋଜିତ ରାଜ୍ୟଗୋଷ୍ଠୀ ପାରା ଅସିଚାଳନ...
