Appleର ଦୀର୍ଘଦିନର CEO Tim Cookଙ୍କ CEO ପଦରୁ ବିଦାୟ ପାଇଁ କମ୍ପାନୀ ପକ୍ଷରୁ ବିଶେଷ ବିଦାୟ ସମାରୋହ ଆୟୋଜନ କରାଯାଇଥିବା ଖବର ସାମ୍ନାକୁ ଆସିଛି। ରିପୋର୍ଟ ଅନୁସାରେ, ଅଗଷ୍ଟ ୨୩ରେ କାଲିଫର୍ଣ୍ଣିଆର କୁପର୍ଟିନୋସ୍ଥିତ Apple Parkରେ ଏହି କାର୍ଯ୍ୟକ୍ରମ ହୋଇଥିଲା। ପ୍ରାୟ ୨୦୦ ଜଣ Apple କର୍ମଚାରୀ ଏଥିରେ ଯୋଗ ଦେଇ Cookଙ୍କ ଦୀର୍ଘ କାର୍ଯ୍ୟକାଳକୁ ସମ୍ମାନ ଜଣାଇଥିଲେ।
ବିଦାୟ ସମାରୋହରେ OneRepublic ଏକ ବିଶେଷ ସଙ୍ଗୀତ ପରିବେଷଣ କରିଥିବା ଜଣାପଡ଼ିଛି। Apple ସହ ଜଡ଼ିତ ଅନେକ ପରିଚିତ ବ୍ୟକ୍ତି ମଧ୍ୟ Cookଙ୍କୁ ଶୁଭେଚ୍ଛା ଜଣାଇଥିଲେ। ସେମାନଙ୍କ ମଧ୍ୟରେ Appleର ସହ-ପ୍ରତିଷ୍ଠାତା ତଥା ପୂର୍ବତନ CEO Steve Jobsଙ୍କ ପତ୍ନୀ Laurene Powell Jobs, ପୂର୍ବତନ Apple COO Jeff Williams, Appleର Services chief Eddy Cue ଏବଂ ଭବିଷ୍ୟତ CEO John Ternus ଥିବା ରିପୋର୍ଟରେ କୁହାଯାଇଛି।
କାର୍ଯ୍ୟକ୍ରମରେ Tim Cook ମଧ୍ୟ କର୍ମଚାରୀମାନଙ୍କୁ ସମ୍ବୋଧିତ କରି ଧନ୍ୟବାଦ ଜଣାଇଥିଲେ। ଏହି ସମୟରେ ସେ ନିଜ ବ୍ୟକ୍ତିଗତ ଜୀବନ ସମ୍ପର୍କରେ ଏକ ଦୁର୍ଲଭ ମୁହୂର୍ତ୍ତ ମଧ୍ୟ ସେୟାର କରିଥିବା ରିପୋର୍ଟ ହୋଇଛି।
Tim Cook CEO ପଦ ଛାଡ଼ିଲେ ମଧ୍ୟ Apple ସହ ସମ୍ପର୍କ ଶେଷ କରିବେ ନାହିଁ। ସେପ୍ଟେମ୍ବର ୧ରୁ ସେ Appleର Executive Chairman ଭାବେ ଦାୟିତ୍ୱ ନେବେ। କମ୍ପାନୀ ଅନୁସାରେ, ସେ ବିଶ୍ୱର ବିଭିନ୍ନ ଦେଶର ନୀତି ନିର୍ଦ୍ଧାରକଙ୍କ ସହ ଯୋଗାଯୋଗ ଭଳି କିଛି ଗୁରୁତ୍ୱପୂର୍ଣ୍ଣ କାର୍ଯ୍ୟରେ Appleକୁ ସହଯୋଗ କରିବେ।
ସେହି ଦିନଠାରୁ John Ternus Appleର CEO ଭାବେ ଦାୟିତ୍ୱ ନେବେ। Ternus ୨୦୦୧ରୁ Apple ସହ ଜଡ଼ିତ ଏବଂ ୨୦୨୧ରୁ କମ୍ପାନୀର Hardware Engineering ବିଭାଗର Senior Vice-President ଭାବେ କାର୍ଯ୍ୟ କରୁଛନ୍ତି।
Appleରେ ଏହି leadership transitionକୁ ବଡ଼ ପରିବର୍ତ୍ତନ ଅପେକ୍ଷା ଏକ ନିରନ୍ତରତାର ପ୍ରକ୍ରିୟା ଭାବେ ଦେଖାଯାଉଛି। ରିପୋର୍ଟ ଅନୁସାରେ, ତୁରନ୍ତ କମ୍ପାନୀର କାର୍ଯ୍ୟପ୍ରଣାଳୀରେ ବଡ଼ ପରିବର୍ତ୍ତନ ହେବାର ସମ୍ଭାବନା କମ୍।
CEO ଭାବେ ଦାୟିତ୍ୱ ନେବା ପରେ John Ternusଙ୍କ ପାଇଁ ପ୍ରଥମ ବଡ଼ ପରୀକ୍ଷା ହେବ Appleର September iPhone event। ଏହା Appleର ବର୍ଷର ସବୁଠାରୁ ଅଧିକ ନଜରରେ ରହୁଥିବା product launch ମଧ୍ୟରୁ ଗୋଟିଏ।
Tim Cookଙ୍କ ନେତୃତ୍ୱରେ Apple ୧୫ ବର୍ଷରୁ ଅଧିକ ସମୟ ଧରି ବିଶ୍ୱର ସବୁଠାରୁ ପ୍ରଭାବଶାଳୀ technology companies ମଧ୍ୟରେ ନିଜ ସ୍ଥାନକୁ ମଜବୁତ କରିଛି। ଏବେ John Ternusଙ୍କ ନେତୃତ୍ୱରେ Apple କିପରି ଆଗକୁ ବଢ଼ିବ, ତାହା ଉପରେ ଟେକ୍ନୋଲୋଜି ଜଗତର ନଜର ରହିବ।
ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ କଡ଼ା ନିର୍ଦ୍ଦେଶର ୨୪ ଘ...
କେନ୍ଦୁଝର: ପ୍ରବଳ ବର୍ଷା ମଧ୍ୟରେ କେନ୍ଦୁଝର ଜିଲ୍ଲାରୁ ଆସି...
ଓଡ଼ିଶାର ବିଧାୟକମାନଙ୍କ ଦରମା, ଭତ୍ତା, ପେନସନ୍ ଓ ଅନ୍ୟାନ୍...
ପୁରୀ ଶ୍ରୀଜଗନ୍ନାଥ ମନ୍ଦିରରେ ପୁଣି ମୂଷା ଓ ଅସରପା ଦେଖାଦେ...
