ନେଟଫ୍ଲିକ୍ସରେ ଆରମ୍ଭ ହୋଇଥିବା ରିଆଲିଟି ଶୋ ‘ଲକ୍ ଅପ୍ ୨’ର ପ୍ରଥମ ଏପିସୋଡ୍ରେ ଏକ ଚମକପୂର୍ଣ୍ଣ ଖୁଲାସା ଦେଖିବାକୁ ମିଳିଛି। ଅଭିନେତ୍ରୀ ଅକାଙ୍କ୍ଷା ଚମୋଲା ନିଜ ବିବାହିତ ଜୀବନକୁ ନେଇ ଖୋଲାଖୋଲି ମତ ରଖି ଦର୍ଶକଙ୍କୁ ଆଶ୍ଚର୍ଯ୍ୟଚକିତ କରିଦେଇଛନ୍ତି।

ରିତେଶ ଦେଶମୁଖ ଓ ଫରାହ ଖାନଙ୍କ ଦ୍ୱାରା ସଂଚାଳିତ ଏହି ଶୋ’ରେ ଅକାଙ୍କ୍ଷା କହିଥିଲେ, “ଗୌରବ ଖନ୍ନା ଓ ମୁଁ ଛାଡ଼ପତ୍ର ନେଉଛୁ। ଗତ ଏକ ବର୍ଷ ଧରି ଆମେ ଅଲଗା ରହୁଛୁ। ଏହି କଥା ଏପର୍ଯ୍ୟନ୍ତ ଅଧିକାଂଶ ଲୋକ ଜାଣିନାହାନ୍ତି।”

ଅକାଙ୍କ୍ଷା ଚମୋଲା ଓ ଗୌରବ ଖନ୍ନା ୨୦୧୬ ମସିହାରେ ବିବାହ ବନ୍ଧନରେ ଆବଦ୍ଧ ହୋଇଥିଲେ। ଟେଲିଭିଜନ୍ ଜଗତର ଏହି ଯୋଡ଼ି ନିଜ ବ୍ୟକ୍ତିଗତ ଜୀବନକୁ ସବୁବେଳେ ମିଡିଆ ଓ ସୋସିଆଲ ମିଡିଆରୁ ଦୂରରେ ରଖିଥିଲେ। ଏହି କାରଣରୁ ଛାଡ଼ପତ୍ର ଖବର ଭକ୍ତମାନଙ୍କ ପାଇଁ ବଡ଼ ଝଟକା ସାବ୍ୟସ୍ତ ହୋଇଛି।

ଗୌରବ ଖନ୍ନା ଟିଭି ଧାରାବାହିକ ‘ଅନୁପମା’ରେ ଅନୁଜ କପାଡ଼ିଆ ଭୂମିକାରେ ଅଭିନୟ କରି ବିଶେଷ ଲୋକପ୍ରିୟତା ହାସଲ କରିଥିଲେ। ତାଙ୍କ ଓ ସହ-ଅଭିନେତ୍ରୀ ରୂପାଲୀ ଗାଙ୍ଗୁଲୀଙ୍କ ଅନ୍-ସ୍କ୍ରିନ୍ କେମିଷ୍ଟ୍ରି ଦର୍ଶକଙ୍କ ମନ ଜିତିଥିଲା।

ଅକାଙ୍କ୍ଷାଙ୍କ ଏହି ଖୁଲାସା ପରେ ସୋସିଆଲ ମିଡିଆରେ ବ୍ୟାପକ ଚର୍ଚ୍ଚା ଆରମ୍ଭ ହୋଇଛି। ଅନେକ ପ୍ରଶଂସକ ଆଶ୍ଚର୍ଯ୍ୟ ପ୍ରକାଶ କରିବା ସହ ଉଭୟଙ୍କ ଭବିଷ୍ୟତ ଜୀବନ ପାଇଁ ଶୁଭେଚ୍ଛା ଜଣାଇଛନ୍ତି। ତେବେ ଏହି ପ୍ରସଙ୍ଗରେ ଗୌରବ ଖନ୍ନାଙ୍କ ପକ୍ଷରୁ ଏପର୍ଯ୍ୟନ୍ତ କୌଣସି ଆଧିକାରିକ ବୟାନ ଆସିନାହିଁ।